يادنيا حبلى بتولدي ...
من غير مخاض
قبل النكاح
إمتى هيجي إبنك فرح
والا حملك كان سفاح
عكازي كان صبري
وكان بلسم سعادتي
اللي بيداوي الجراح
وانا حيطة مايلة
وقلبي شجرة ...
مناديلها تطرح كل ساعة
لا في يوم مسحت دمعتي
ولا يوم سابتني ارتاح
ضاعت سنين عمري
وانا لسه يدوب بحلم
أطفي لهيبي المستعر ..
والقاه رماد
وأنا صبري فاض
وليلي مستني الصباح
مشوار حياة فيه بختي مال
برسم علي الوش ابتسامة
مستني يوم تطرح فرح
أو تطفي من قلبي الجراح
ليست هناك تعليقات:
إرسال تعليق