لا تلچم جروحي ( شعر شعبي ) ................... بقلم : نضال الشبيبي // العراق

لا تلچم جروحي انا بايدك جريح
وك ارحم بحالي انا امشي وأطيح
والعمر عدّه وجِزَه ، وشنهو البقه
بس اماني مبعثره ، ، وشمع انطفه
وبس جروح بگلبي شايلها واصيح
لا تلچم اجروحي ، انا بيدك جريح

@@@@@
لا تضحك بعقلي ، انا ادري شتريد
ناوي على هجري بعد شنهي لجديد
اني ادري بغايتك ، وادري الزمان
اجهز على حبي . انطفه قبل الاوان
وانت جاي تگول مو هذا الصحيح
لا تلچم اجروحي انا بيدك جريح
@@@@@@
لاتجني على روحي بقت بس الجروح
ماباقي بيها بس نفس ساعه ويروح
وانت تدري برروحي دارك من زمان
افرشتها سنين ... بالحب والحنان
وأرد أگلّك ،، مايصح الٌا لصحيح
هذي روحي بأيدك ، واني الجريح