وينا حَكَايا الحُبْ .................... بقلم : عادل نايف البعيني / سوريا

طلّتْ علينا الشَّمْسْ
مِنْ بِيْنْ كُومْةِ غْيُوْمْ

وْمَيَّلْ عَ شُرْفِتْنا الضّوْ
مَعُو حَفْنِةْ نُوْرْ وكَمْشِةِ غْنَاني تْسُوحْ
مَعْ نَغْمِةِ شُّحْرورْ وعَا دَرْبْ ضيعتنا
تْثَاءبْ وَرْدْ وتعانقت لزُّهور والليلْ ضَبْضَبْ عَتِمْتُو وْرَاحْ
يِغزلْ عَبَايِةْ نُوْمْ يِمْكِنْ نْعِسْ وِتْهَدّلت الجُفُونْ
وراحْ لَحَتّى يْنَامْ عَا بَكّيْرْ وَقَبِلْ ما يْغَمّّضْ هَـ لِعْيُونْ رَحْ قُولْ: بْيِكْفِي حَرِبْ
وينا حَكَايا الحُبْ
تِجْدِلْ وَعْدْ تُنْشِرْ نُورْ تْلِمْلِمْ وَجَعْ هـَ نّاسْ
وْتْبَلْسِمْ هـ لجُرُوحْ طَالْ الوَجَعْ بِ لْقَلبْ
والْدَمْ صَرْلُو دْهُور شُوه هـ دّنِي ياناسْ
شُو صارْ بالإِحْساسْ ماتْ لْحُلُمْ تِخْمينْ
ما عَادْ وِصْلْ لَرَّاسْ ولاّ نِسِتْ هَنّاسْ
كِيْفْ تقلبو للكاس يا نااااسْ
هَـ لّليل مَهْمَا احْتَاسْ وْمَهْمَا نِعِسْ وانْهانْ
رَحْ ظَلْ مَعُو سَهْرانْ بَلْكِي إِجِا الإِحْساسْ؟؟؟
والنّاسْ رِجْعِتْ ناسْ