ليل العاشقين ................ بقلم : نضال الشبيبي // العراق

انا ودمعي بقيت الليل سهران
اعاتب بالنجوم بنشوه سكران
انا بدمعي تهت وشوگ عذبني
اعاتب بيه ساعه يرد يعاتبني
ولملم بالعتب وّنّه وافز حيران
انا ودمعي بقيت الليل سهران

@@@@@

انا ودمعي احس بلدنيا حزنانه
أكف دمعي ترد هم تبچي ويانه
احس بالروح مخنوگه تحاسبني
تگلي انس لنساك وْلاْ تعذبني
حرام بنهر حب ، تعيش عطشان
انا ودمعي بقيت الليل سهران

@@@@@

انا ودمعي احس بدمعي غنّالي
بلحن شوك الجريح يغنّي موّالي
وحس بالآه جوّه الظلع توجعني
ونادي هواي ريت هواي يسمعني
وافز والگلب وَيّ همومه غرگان
انا ودمعي بقيت ،،،الليل سهران