اشِّفتْ منك ؟!
جا شنهي انته ؟!
حلم!!
كبل طرة الفجر
مني اختفيت..
ردت منك لو وصيه
حتى لو تعتب عليه
يلعفتني ابلا وداع
ابعين صلفه
وذَّرًتْ كلبي اومشيت..
طشيت بدروبك
اسنين البكن
من عمري
ردت ينكسر كلبك
علي مره
اوتحن..!
عاندت كللش
ولا مره عَلَيْ حنّيت
دوريت..
كل دواوين الشعر
مثلك قصيده
ياحبيبي
دَوَّرت بس
تعَّبتني،
اوما لكيت..!!
ردت اكلك..
اخذ كلبي ..ماأريده
شلّي بيه
كلب مجروح
اويون
ونة حمامات السجن!
وانته تدري
قفّلت باب العشك
وبسجن طيفك
يلمدلّل ،
غفيت ...!!!
ليست هناك تعليقات:
إرسال تعليق