دمع تمساح / شعر شعبي ............. بقلم : نضال الشبيبي // العراق

ما صدّگ بدمعك طلع
دمعك ، دمع تمساح
يلخنجرك جوّه الظلع
ابعد ،، اريد ارتاح
بالروح منك چم جرح
مجروح انزف للصبح
ونسيت انا الافراح
ابعد ،،، اريد ارتاح

@@

كافي مليت الصبر
ملّيت ،، العمر وياك
مليت كل لحظه تمر
بيها ،،،، يمر طرواك
إبلحضه ياخذني ندم
وتاخذني موجات الالم
تزرع بكلبي اجراح
ابعد ،،،،،،،اريد ارتاح

@@@@

حسرات تبقه بالصدر
تحصد ، بقايا الروح
بلروح احس حفنة جمر
تچوي گلب مجروح
بس كافي امسح دمعتك
ما صدّك اني بتوبتك
دمعك ، دمع تمساح
ابعد ،،،،، اريد ارتاح

@@@@@