يا أهل الهوى دلوني وقولوا لي أعمل ايه
قلبي الـ تخطف مني ومش عارف ألاقيه
ولا عارف فين مطرحه ,
ولا عارف حتى أداويه
الحب خده مني , وحبيبي ,
أنا مش عارف أراضيه
والحب وعد وقسمة ومكتوب علينا
والرأي رأيكم يا أهل الهوى والشورى
والراي ليكم , انصحوني, أعمل أنا ايه
*
وعد ومكتُوبْ علينا حُبه يا ناس مش بإيدينا
بيني وبينه بحور, وحدود , وبلاد بعيدة ,
وأنا قلبي مش قادر عليه
وأنا قلبي طيب , والنبي طيب
مالوش في الدوخة ديه
وأنا عمل ايه
*
بنّوته حلوة وعجباني سحراني يا با , ومـ جنناني
في عينيها السحر رباني, وكلامها حلو مِعْجباني
مـ حيراني , مـ سهراني مـ دوخاني , مـ جنناني
بجمالها الرباني , ساحراني , شاغلاني, ومـ ذوباني
وأهرب منها وأروح على فين , وأعمل ايه
آه يانِّي , أنا يانِّي , يانِّي , آه يانـِّ ي
وأنا قلبي طيب والنبي طيب
مالوش في الدوخة ديه
وأنا أعمل ايه , أعمل ايه ,
*
لا أنا عارف أخد قرار
ولا عارف ليل من نهار
جمالها يا بوى يخلي الحليم يحتار
وأنا العقل مني طار
سبحان من صور, بدر بدور
خدودها تفاح أمريكاني ,
وآه يانِّي , يانـِّ ي , آه يانـِّ ي
شفايفها سكر , شهد مكرر
وجبينها كلوب منور ,
والريحة بخور , مسك وعنبر , والكلام أغاني
وأنا قلبي طيب والنبي طيب
مالوش في الدوخة ديه
وأنا عمل ايه , أعمل ايه ,
*
الليل في الشَعر سارح
والنهار في جبينها طارح
تشوفها تقول أجمل من بنات الحور
وبيني وبينها بلاد وبحور
ولا قادر أرسى معها على بر
وأهرب منها وأروح على فين
وأنا قلبي طيب , والنبي طيب ,
ومالوش في الدوخة ديه
وأعمل ايه يا عينيَّ , أعمل ايه
وآه يانِّي , يانـِّ ي , آه يانـِّ ي
*
بصت لي بصة بعينيها ,
وأنا لا بيَّ ولا عليَّ ,
بصة كلها حنية , بصة طِعمة وشقية ,
وغمزت لي غمزة بعينها
وشاورت لي بإيديها , الحلوة ديه
شاورت الحلوة عليَّ ,
ساعتها لا عرفت مين خادني , ولا مين وداني
خلتني ماشي أقول آه يا نـِّ ي , يا زماني
وأنا لا حول لي ولا , ولا , ولا قوة
وتايه زي المجانين ,
وتهت أنا يا بوى في سحر العين
وأنا قلبي طيب , والنبي طيب ,
ومالوش في الدوخة ديه
وأعمل ايه يا عينيَّ , أعمل ايه
ليست هناك تعليقات:
إرسال تعليق