(انا لا اخجل ان اصارحكم بماضٍ مرير كنت قد عشته ،،،ولا اخجل من كوخ الطين الذي قضيتُ معه وبه صباي ... بل اتشرف فذلك هو الذي جعلني ان اكون انسان )
من چنت صغيّر ،، جنت اذكر
أمي تجيب الخبزه،،، بعانه
لبطون الخمسه الجوعانه
جنه اصغار ،، والدنيه تكفّر
نعيش اللوعه بكوخ الطين
جنه نعيش بجوع ونبچي
حين الحين ،،،،
خمس بطون تصيح بأمي
خمس بطون
تبچي من الجوع ،،،،، وجوعانه
وهمدوم مرگعه ومشگوگه
نلبس بيها حفنه سنين
والبرد اللي يخدّر ايدي
جوه ضلوعي ،، بجمسي ينحر
بيش ادثّر!!! ؟
نايم عالگاع واتمرغل
مامش مندر
ولحاف مشگگ غطانه
واحنه نرجف وامي،،،،،،
هم ترجف ويانه
والبرد اللي يگصگص بينا
يذبح خمسه بالسچين
سنين نعيش بكوخ الطين
@@@@
خمس اطفال
بليل انّام ،، انام تلزك
يمكن نغفه ،،، ويمكن اغفه
بين احضان اخواني وادفه
ويمكن احلم بطگت باچر
احلم يمكن فجر إجْيد
باچر ،،، باچر غير اليوم
وأحلم لابس جْديدَه هدوم
هدوم العيد
باجر عيد
وبيها انسه هم كوخ الطين
وانسه جروح أمي الملچومه
واذكر يومي وانسه اهمومه
ومااذكر امي ،، تعبانه
وْلاْ اذكر خبزتنا بعانه
بس اذكر هالناس الطيبه
تگدر تصنع يوم إجْديد
تكدر تحجي
وهم تفكّر
تفكر بينا
تفكر بالناس التعبانه
كان تفرق
تفرق كل زين من الشين
وتشمر كل تمره النكسانه
وتنقذ هالناس التعبانه
تهدّم باچر كوخ الطين
@@@@@
من چنت صغيّر چنت احلم
چنت احلم واحلامي چبيره
اكبر من عمري وأيامي
اكبر من جرحي والامي
انسه بيها كوخ الطين
انسه الامچ يا يمه
انسه دموعچ نص العين
جنت امسحها بكبر احلامي
احلامي بالگاع اللي تخضّر
طيب وحنيه وافراح
وافرح او طگ القداح
وورد الرمان اللي يزّهر
وتزهي الدنيا بحلمي الاخضر
وتروح الكاع النكسانه
الكاع الوسخه بصف الكوخ
وتروح الناس الفتاّنه
وتروح الدنيا الخربانه
تعمر بالناس الطيبين
ويروح الجوع وأحزانه
ويتهدم وك كوخ الطين
وابني بصفه بيت صغيّر
بيت الطيب نص الجنّه
وانسى كل مزنه وكل محنه
وانسه كل ظيم اللي شفته
بكوخ الطين
واني احلم .....!!!!
لَنْ أيد تفزنني واصحه
الگي نفسي بكوخ الطين
وأيد تهزني ايدچ يمه
اگعد يبني ،، اگعد يبني
واكعد غبشه
ومن غبشه اطلع وَيْ امي
من غبشه
بهل البرد اليدمي
نروح نجيب الخبزه بعانه
لبطون الخمسه الجوعانه
@@@@@@@@@
نضال الشبيبي
أمي تجيب الخبزه،،، بعانه
لبطون الخمسه الجوعانه
جنه اصغار ،، والدنيه تكفّر
نعيش اللوعه بكوخ الطين
جنه نعيش بجوع ونبچي
حين الحين ،،،،
خمس بطون تصيح بأمي
خمس بطون
تبچي من الجوع ،،،،، وجوعانه
وهمدوم مرگعه ومشگوگه
نلبس بيها حفنه سنين
والبرد اللي يخدّر ايدي
جوه ضلوعي ،، بجمسي ينحر
بيش ادثّر!!! ؟
نايم عالگاع واتمرغل
مامش مندر
ولحاف مشگگ غطانه
واحنه نرجف وامي،،،،،،
هم ترجف ويانه
والبرد اللي يگصگص بينا
يذبح خمسه بالسچين
سنين نعيش بكوخ الطين
@@@@
خمس اطفال
بليل انّام ،، انام تلزك
يمكن نغفه ،،، ويمكن اغفه
بين احضان اخواني وادفه
ويمكن احلم بطگت باچر
احلم يمكن فجر إجْيد
باچر ،،، باچر غير اليوم
وأحلم لابس جْديدَه هدوم
هدوم العيد
باجر عيد
وبيها انسه هم كوخ الطين
وانسه جروح أمي الملچومه
واذكر يومي وانسه اهمومه
ومااذكر امي ،، تعبانه
وْلاْ اذكر خبزتنا بعانه
بس اذكر هالناس الطيبه
تگدر تصنع يوم إجْديد
تكدر تحجي
وهم تفكّر
تفكر بينا
تفكر بالناس التعبانه
كان تفرق
تفرق كل زين من الشين
وتشمر كل تمره النكسانه
وتنقذ هالناس التعبانه
تهدّم باچر كوخ الطين
@@@@@
من چنت صغيّر چنت احلم
چنت احلم واحلامي چبيره
اكبر من عمري وأيامي
اكبر من جرحي والامي
انسه بيها كوخ الطين
انسه الامچ يا يمه
انسه دموعچ نص العين
جنت امسحها بكبر احلامي
احلامي بالگاع اللي تخضّر
طيب وحنيه وافراح
وافرح او طگ القداح
وورد الرمان اللي يزّهر
وتزهي الدنيا بحلمي الاخضر
وتروح الكاع النكسانه
الكاع الوسخه بصف الكوخ
وتروح الناس الفتاّنه
وتروح الدنيا الخربانه
تعمر بالناس الطيبين
ويروح الجوع وأحزانه
ويتهدم وك كوخ الطين
وابني بصفه بيت صغيّر
بيت الطيب نص الجنّه
وانسى كل مزنه وكل محنه
وانسه كل ظيم اللي شفته
بكوخ الطين
واني احلم .....!!!!
لَنْ أيد تفزنني واصحه
الگي نفسي بكوخ الطين
وأيد تهزني ايدچ يمه
اگعد يبني ،، اگعد يبني
واكعد غبشه
ومن غبشه اطلع وَيْ امي
من غبشه
بهل البرد اليدمي
نروح نجيب الخبزه بعانه
لبطون الخمسه الجوعانه
@@@@@@@@@
نضال الشبيبي
ليست هناك تعليقات:
إرسال تعليق