اشوف الناس ( شعر شعبي .............. بقلم : نضال الشبيبي // العراق

اشوف الناس كل الناس هاي
الناس لا اهلي ولا ناسي
وشوف الزمن ظالم ولك وياي
وافضي أحزاني في كاسي
واعيش بدنيه مو دنيه
تلعب ،،،وك لعب بيّ
وشوف اهواي موش هواي
يچَنه هاجر ،،،،، وناسي

لا والله هاي الناس مو ناسي
@@&&&&&
اشوف العمر ،،، رايح حرامات
ساعه بالدمع وساعه بمصايب
وظل بأهه تلو اهه واجر اهات
تراهم المشوا ،،،اغلى الحبايب
واظل صابر على الاهات مجبور
مثل عاشگً گبر مابين الگبور
وحس بالصار بي ّ كلش هواي
وحس بالزمن جَرّح احساسي
لا والله هاي الناس مو ناسي
@@&&&&&
ادگ بهاون مزنجر ادك روحي
اعلمها الصبر ودري الصبر مات
وداوي بسم شماته وادهن جروحي
تشب النار بيه مْنَسمع الچلمات
تِچَيّم نار گلبي وتشجر التنور
وتظل الروحً تفتر بالدنيه ناعور
تشوف الناس كل الناس مو ناسي
تثور تمزق بحرگه دفتر احساسي
(لا والله هاي الناس مو ناسي)