حلم مفطوم
العشك بعيونه سوالف
وتاخذه غفوة حلم
تتعثر الجلمه بشفايف
ترتجف ،، رجفة الم
ويلبس الصفنات خايف
ويتوسد الحسره بنغم
وانت ياجرف الشواطي
لملمت ليلك حلم
وتعيش روجات الندم
تشبك جروفك سوالف
وتحتضن حرف وقلم
ويتناثر السبّاح برمالك سِعِد
وانت شايف وانا شايف
لهفة العطشان لضفاف النهر
برگصه ونغم وفرحه والم
ومحنة صبر
تهديها سالوفة عشگ
اهناك باطراف الصرايف
تنحبس
هلوله هلوله خانگها القهر
بديوانك الگهوه ،، عشگ
وبسمه وغزل
بضحكة امل
تبقى على همس السوالف
للفجر
محتاجه عطابة صبر
تعطب الجرح
محتاجه تحلم بالامس
محتاجه تفطم هالحلم
مفطوم ماضاك الصبر
حلم البقه حدر الجفن
يبجي ويون
لحد الفجر
@@@&&&
ياحلم مفطوم غازل شفّتك
راضع شهكته سنين
من صدر الزمن
ياحلم مفطوم رابي اعل صبر
يرسم الضحكه قهر
من لحن الحزن
يرسم البسمه وجع
اهات ماتقبل تون
چم لحظه بالروح التمر
وك تنفجر
صرخة الم ،،،بظيم وقهر
والروح وك چنها بسجن
تكظي العمر
الاهات صارت صحبتك
الدمعات ترسم چلمتك
والخوف عثره بخطوتك
والحسرة چتلت ضحكتك
وحسرات انزفها بانين
موجوع من جرح الوطن
يوجعني ساعات واشوغ
وارتاح من ابجي واون
وارجع الملم دمعتي
بچف الصبر وارجع احن
واشتاگ للونّه واصيح
عذبني شوگك ياوطن
عذبني جرحك ياوطن
وارجع اواسي دمعتي
ياعين وچ بسّج دمع
وچ هذي غيمه وهم تمر
وچ هاي مزنه وهم تمر
وتاليها نرجع للوطن
لو يبقه ساعه بالعمر
تاليها نرجع للوطن
لو تبقه ساعه بالعمر
ياحلم مفطوم غازل شفّتك
راضع شهكته سنين
من صدر الزمن
ياحلم مفطوم رابي اعل صبر
يرسم الضحكه قهر
من لحن الحزن
يرسم البسمه وجع
اهات ماتقبل تون
چم لحظه بالروح التمر
وك تنفجر
صرخة الم ،،،بظيم وقهر
والروح وك چنها بسجن
تكظي العمر
الاهات صارت صحبتك
الدمعات ترسم چلمتك
والخوف عثره بخطوتك
والحسرة چتلت ضحكتك
وحسرات انزفها بانين
موجوع من جرح الوطن
يوجعني ساعات واشوغ
وارتاح من ابجي واون
وارجع الملم دمعتي
بچف الصبر وارجع احن
واشتاگ للونّه واصيح
عذبني شوگك ياوطن
عذبني جرحك ياوطن
وارجع اواسي دمعتي
ياعين وچ بسّج دمع
وچ هذي غيمه وهم تمر
وچ هاي مزنه وهم تمر
وتاليها نرجع للوطن
لو يبقه ساعه بالعمر
تاليها نرجع للوطن
لو تبقه ساعه بالعمر
ليست هناك تعليقات:
إرسال تعليق