مجلة صدى الفصول الالكترونية : مجلة تعنى بالمواضيع الادبية والفنية .. رئيس التحرير : بتــول الدلـيمـي / العراق :: لجنة التدقيق والتصحيح اللغوي :: عادل نايف البعيني / سورية ......... سامية خليفة / لبنان .
الجمعة، 9 سبتمبر 2022
عمري مطرت صيف / شعر شعبي ............. بقلم : علي الظالمي // العراق
عمري مطرت صيف
مرت وبظهيره
وعيني مشبوحه ابدربهم
طالعت ايدي كصيره
لوحت بين الضباب
اتأملت وجهك تديره
وانت رايح ماشفتني
وظلت الروح الفقيره
وظلت أحلام واماني
والف حيره تجيب حيره
وهاي روحي وي صبرها
وحيل دنيانا زغيره
ونكسر غصن الموده
ومات من عمري عبيره
وصرت أعيش ابلايه اني
ولاخبر منك اجاني
وصرت بالحالين أعاني
وحالتي جدا عسيره
صدك لوكالوا ..شماته
حنطته تاكل شعيره .
الاشتراك في:
تعليقات الرسالة (Atom)
ليست هناك تعليقات:
إرسال تعليق