شلون احارب
واني ماعندي سلاح
شلون احارب
واني نص هاي الرياح
شلون احارب
والغدر بس هو المباح
شلووون احارب
واني في صدري الرماح
لا ما احارب
واني سر ضعفي السكوت
وليش احارب
وحقي ضايع
من الصغر ،،، لمن اموت
شلون احارب
واني كدامي تبوت
هو ينفع ؟
اسكت وحقي يضيع؟
شلون احارب
واني خاسر
وهاي كل الناس تربح
من تبيع
شلون احارب
واني شاعر
واني مابيدي سلاح
اني بيدي بس قلم
اكتب إجروح الناس
شكد عدهم الم
اكتب هموم الناس
وشكد شافو ظلم
اني شاعر
اكتب احساس مشاعر
ودا اشوف الناس
مظلومه وتكابر
ودا اشوف العاف ارضه
وراح للغربه يهاجر
ودا اشوف الينتظر باچر
واني شاعر
عندي احساس ومشاعر
ودا اشوف الناس بطلت ماتحارب
شلون احارب
اني وحدي اللي شارب
ماي دجله والفرات
اني وحدي بس احارب ؟
شلون وحدي راح احارب؟
اني ماعندي سلاح
وبيش احارب ؟
بس دگلي يلتوم
إبيش احارب
شلون احارب
واني ماعندي سلاح
إبيش احارب؟
ليست هناك تعليقات:
إرسال تعليق