عطش السواجي...
مشتاك
شوك الحمام الزاجل
الديرة هله..
عطشان
عطش السواجي
والسباح
نشفت اعروكه
اويبس..
والماي ما جرى
احذاه ابموده..
اوبلله...
وصفولي حسنك
طلع مايشبه وصف !!
والعقل كبل الكلب
بيه ابتلى !!
شرد اكلك؟!
كسرت كل المرايات
بس انته
صرت امرايه لهمومي
واحلامي والشاطي
اللي من زغري
حنيت اله...
آنا كبلك ماضكت
طعم الحياة..
ولا كلبي رف مره
ولا..
ردت الوحشه
البروحي اوزقزقت
يم شبابيجه..
زرازير الفلا...
تدري لو ردت مني
أفرشلك اضلوعي
كناطر ...
ويا كل خطوه يكللك
هلا ....!!
ردلي روحي اللي صارت
ابجالك
حمامة سجن ..!!
تتنطر مراسيلك ،
كون الله يهديك
اوتحن...!!!
جا هو هذا الوفا ؟!
ليليه أكتبلك قصيده
ونته كلبك من صخر !!
وانا كلبي جفية مهر
ترفه ..
بين اديك انرهن...
٣٠ تموز ٢٠١٤
ليست هناك تعليقات:
إرسال تعليق