ما مضى ،،، لا يعود ( شعر شعبي ) .................. بقلم : نضال الشبيبي // العراق

ياحبيبي الراح ،،أَبْداً مايعود
والجزا ماضي والماضي وعود
التقينا ، وافترقنا وكلشي راح
والاماني تموت وَيْ نزف الجِراحْ
والعهود تروح ،، ماتبقه عهود
ياحبيبي الفات ،،،،. أَبْداً مايعود

@@@@@
اني وانت اثنين تهنا ويلهوى
احنا كنّا اصغار مانعرف نحب
مالگينا ، سنين ، للعلّه دوا
وافترقنا وراح كلشي بْلاْ سبب
واني وانت ما عرفنا وشنريد
ياحبيبي الراح ابداً ما يعود
@@@@@
لاتعاتبني ولا احجي واعاتب
المضا والراح . ما منّه رجوع
تبقه ذكرى بالهوى ،، بين الحبايب
تنزف الاهات بالذكرى دموع
كان حبنا رغبه منعتها القيود
ياحبيبي الراح ..أبْداً ما يعود